Աուտիզմը սովորաբար հայտնաբերվում է մանկության տարիներին, քանի որ ախտանիշները մեծ մասամբ սկսվում են կյանքի առաջին երկու տարում, բայց շատ մարդիկ հասկանում են, որ ապրում են աուտիզմով միայն հասուն տարիքում կամ ընդհանրապես չեն ախտորոշվում:
Աուտիզմի ուշ ախտորոշումը հատկապես տարածված է կանանց մոտ։ Դրա պատճառներից մեկը կարող է լինել այն, որ կանայք հաճախ ավելի լավ են կրկնօրինակում իրենց շրջապատում տեսած սոցիալական նշանները՝ շրջապատից թաքցնելով կամ քողարկելով իրենց անսովոր վարքը:
Կարևոր է նշել, որ աուտիզմը հիվանդություն չէ: ASD ունեցող մարդու ուղեղն այլ կերպ է աշխատում, քան այլ մարդկանց ուղեղը, ասվում է Մեծ Բրիտանիայի Առողջապահության ազգային ծառայության կայքում։
Հասարակության ճիշտ վերաբերմունքը, սերն ու փոխըմբռնումը կարող են ընդմիշտ փոխել աուտիզմ ունեցող երեխաների կյանքը։ Եվ հնարավոր է, որ նրանցից իսկական հանճարներ աճեն, ինչպիսիք են Բիլ Գեյթսը, Վան Գոգը, Ալբերտ Էյնշտեյնը և աուտիզմ ունեցող շատ այլ ականավոր անհատականություններ:
Աուտիզմ ունեցող մարդիկ կարող են մեծապես օգուտ քաղել ճիշտ աջակցությունից՝ հարմարեցված իրենց հատուկ կարիքներին:
Աուտիզմ ազգային հիմնադրամի «Իմ Ուղին» կենտրոնն աուտիզմ ախտորոշում և այլ զարգացման խանգարումներ ունեցող երեխաների, դեռահասների և մեծահասակների կրթական, վերականգնողական, մասնագիտական դասընթացներ և զբաղվածություն ապահովող հաստատություն է:
