Աուտիզմը յուրաքանչյուր երեխայի մոտ յուրովի է ի հայտ գալիս: Որոշ աուտիստիկ սպեկտրի խանգարում ունեցող երեխաների մոտ առկա է ախտանիշների մի մասը միայն՝ հաճախ անոմալաիաների երեք խմբից միայն երկուսը: Այս դեպքում խոսքը գնում է ատիպիկ աուտիզմի մասին: Նման ախտորոշմամբ մարդիկ օգնության կարիք ունեն այն ոլորտներում, որտեղ խնդիրն ակնհայտ է արտահայտված, իսկ դրա փոխարեն մյուս ոլորտներում կարող են զգալի հաջողությունների հասնել:
Ախտորոշման չափաիշները
Չնայած ա- նախդիրի, ատիպիկ աուտիզմը շատ ընդհանրություններ ունի կլինիկական աուտիզմի հետ: Հաճախ ատիիկ աուտիզմն ավելի ուշ տարիքում է ախտորոշվում, քան կլինիկականը, այն բանի շնորհիվ, որ նման երեխաներն աչքի չեն ընկնում, իսկ իրենց ախտանիշները ակնհայտ չեն:
Մինչ կլինիկական աուտիզմի դեպքում խնդիրներն առաջ են գալիս երեք ոլորտներում՝ վարք, հաղորդակցություն և սոցիալական հմտություններ, ատիպիկ աուտիզմի մասին խոոսվում է այն ժամանակ, երբ երեխայի մոտ առկա է ստերեոտիպային-կրկնվող վարք և խնդիրներ՝
կամ սոցիալական հմտությունների հետ կապված, որն իր մեջ ներառում է այլոց հետ համագործակցությունը
կամ հաղորդակցական հմտությունների հետ կապված, որը ներառում է վերբալ և ոչ վերբալ հաղորդակցությունը:
Ատիպիկ աուտիզմի ախտանիշները
Ատիպիկ աուտիզմով երեխաների մոտ կարող են լինել նույն ախտանիշներն, ինչ կլասիկ աուտիզմի դեպքում, սակայն այս դեպքում դրանք ավելի թույլ են արտահայտված: Ընդ որում հաճախ արտահայտման ձևն այդքան էլ ընդարձակ չէ:
Ահա այն ախտանիշները, որոնցին որոշները, ոչ բոլորը, կարող են հանդիպել ատիպիկ աուտիզմով երեխաների մոտ՝
Դժվարություններ ոչ վերբալ հաղորդակցումը հասկանալու և կիրառելու հետ (ժեստեր, աչքի կոնտակտ, դեմքի արտահայտություն, կանգնած դիրք)
էմպատիայի և սեփական հույզերն այլոց հետ կիսելու ցանկության բացակայություն
Հասակակիցների հետ շփման տարիքին համապատասխան հմտությունների բացակայություն
Դերային խաղերի բացակայություն
Խոսքում միևնույն արտահայտությունների կրկնություն կամ կապակցված խոսքի բացակայություն
Ուշադրությունը կիսելու անկարողություն-որևէ իր ցույց տալը, հետաքրքրող առարկան ցույց տալը, մյուսների մատնանշումներին հետևելը:
Խոսքի զարգացման հապաղում
Նեղ ոլորտով հետաքրքրվածություն
Զրուցակցի հետ զրույցը պահելու դժվարություններ
Խիստ կանոնակարգվածության հակում
Մեծ հետաքրքրվածություն առարկաների մասերով
Ստերեոտիպային վարք՝ ձեռքի թափահարում, օրորում, ծափահարում:
Ատիպիկ աուտիզմը մեծերի ու փոքրերի մոտ
Ատիպիկ աուտիզմ ունեցող երեխաների ծնողները միջինում բժիշկներին դիմում են ոչ այնքան վաղ հասակում: Դա հիմնականում բացասաբար է ազդում ուշ սկսվող թերապիայի վրա:
Զարգացումը երեխայից երեխա տարբեր կարող է լինել: Որոշ բուժում չստացած մեծահասակներ հաջողությամբ սովորում են հաղթահարել իրենց առանձնահատկությունները, մինչ վաղ տարիքում սկսված թերապիայի դեպքում էլ հասուն տարիքում կարող են պահպանվել ակնհայտ ախտանիշներ:
Ինչ անել, եթե Ձեր երեխայի մոտ ատիպիկ աուտիզմի կասկածներ կան
Եթե Ձեզ թվում է, թե Ձեր երեխան իրեն տարօրինակ կամ ոչ ճիշտ է պահում, որքան հնարավոր է շուտ դիմեք բժշկի: Ինչքան շուտ սկսվի բուժումը, այնքան մեծ հաջողությունների կարող եք հասնել: Եթե երեխան սովորի իր դժվարությունները հաղթահարել, նա ունի բոլոր հնարավորությունները ապրել լիարժեք, նորմալ կյանք:
Աղբյուրը`
https://arevayin.wordpress.com
http://autism.lovetoknow.com/What_Is_Atypical_Autism