Աուտիզմ Ազգային Հիմնադրամի «Իմ ուղին» Սոցիալ-Հաբիլիտացիոն, կրթական և մասնագիտական ուսուցման ցերեկային կենտրոնը մատուցում է աուտիզմ և այլ զարգացման խանգարումներ ունեցող երեխաներին և դեռահասներին հետևյալ ծառայությունները։
ՍԿԶԲՆԱԿԱՆ ՄԻՋՈՑԱՌՈՒՄՆԵՐ
- Հարցազրույց ծնողների հետ,
- Երեխայի կամ դեռահասի վարքի դիտարկում,
- Երեխայի կամ դեռահասի նախնական գիտելիքների և ունակությունների գնահատում և անհատական ծրագրի կազմում։
ՎԱՐՔԱՅԻՆ ԹԵՐԱՊԻԱ
- ԿՎՎ-ն հնարավորություն է տալիս բարելավել երեխայի և դեռահասի կյանքի որակը նվազեցնելով, փոփոխելով և ի վերջո բացառելով բացասական, խոչնդոտող վարքային դրսևորումները միաժամանակ նպխաստելով դրական վարքաձևերի ձևավորմանը և ամրապնդմանը։
ԼՈԳՈՊԵԴԻ ԾԱՌԱՅՈՒԹՅՈՒՆՆԵՐ
- Տարբեր սոցիալական իրավիճակներում աուտիզմ համախտանիշ ունեցող երեխաների կամ դեռահասների տարրական հաղորդակցման հմտությունների և խոսքի ձևավորում և զարգացում,
- Լսողական ուշադրության և ընկալման զարգացում,
- Խոսքի ընկալման զարգացում հուզա-իմաստային մեկնաբանությանմ իջոցով, հրահանգների կատարում,
- Մանր մոտորիկայի ձևավորում և զարգացում,
- Խոսքի օրգանների շարժունակության ձևավորում և զարգացում,
- Ոչ խոսքային հաղորդակցման զարգացում (ժեստային հաղորդակցություն, PODD և PECS համակարգեր)։
ԷՐԳՈԹԵՐԱՊԻԱ
Օկուպացիոն թերապիան ներառում է աշխատանք մի քանի ոլորտներում՝
- Զգայական ինտեգրացիա,
- Զբաղվածություն,
- Կենցաղային հմտությունների ձեռքբերում, ինքնախնամք
- Գնումներ խանութից, ուտեստների պատրաստում,
- Ժամանց, պար, ռիթմիկա,
- Աշխատանքային հմտությունների ձեռքբերում։
ԱՐՏԹԵՐԱՊԻԱ
Նկարչաթերապիայի հիմնական գործառույթները՝
- Կատարսիսային (մաքրող, բացասական հույզերից ազատող),
- Կարգավորող (նպաստում է նյարդահոգեկան լարվածության իջեցմանը, հոգեսոմատիկ գործընթացների կարգավորմանը, դրական հոգեհուզական վիճակի մոդելավորմամբ),
- Հաղորդակցական (ապահովում է շփման խանգարումների շտկում, համապատասխան միջանձնային վարքի և ինքնագնահատականի ձևավորում)։
ԵՐԱԺՇՏԱԿԱՆ ԹԵՐԱՊԻԱ
- Երաժշտական ստեղծագործությունների ունկնդրում,
- Ծանոթացում երաժշտական գործիքներին,
- Տարբեր երաժշտական գործիքների տիրապետում,
- Երգեցողություն,
- Երաժշտության ներքո ռիթմիկ շարժումների կատարում,
- Երաժշտության զուգակցում կատարվող աշխատանքի հետ
- Երաժշտական թերապիայի կիրառման նպատակը
- Խթանում է շարժողական գործընթացները,
- Շտկում և զարգացնում է զգայական ունակությունները ու հնարավորությունները,
- Խթանում է խոսքի զարգացումը,
- Կարգավորում է խոսքի տեմպը, ռիթմը, շեշտադրությունը, տեմբրը, արտահայտչականությունը
ԱԴԱՊՏԻՎ ՖԻԶԻԿԱԿԱՆ ԿՈՒԼՏՈՒՐԱ (խմբային և անհատական)
- Շարժական խաղերի ընթացքում կանոններին հետեվելուն, խմբակիցների հետ վարժությունների կատարմանը, շարժումների կազմակերպմանն ու շարժողական հնարավորությունների ընդլայմանը,
- Խմբային աշխատանքների ժամանակ շեշտը դրվում է համագործակցության և թիմային աշխատանքի վրա՝ նպատակ ունենալով երեխայի կամ դեռահասի մոտ զարգացնել ինքնավստահության և խմբային պատկանելիության զգացում։
ԿԻՆԵԶԻՈԹԵՐԱՊԻԱ
- Կինեզիոթերապիայի միջոցով օգնում է վերականգնել մարմնի բնականոն շարժունակությունը,
- Կինեզիոթերապիայի միջոցով բուժում և վերականգնում է մկանները և հոդերը,
- Կինեզիոթերապիայի միջոցով ոսկրամկանային համակրգի տարբեր բնածին և ձեռք բերովի շեղումների, որոշ հիվանդությունների, վնասվածքների շտկում՝ առանց օրգանիզմին վնաս հասցնելու,
- Բուժական մարմնամարզութունը և ֆիզիկական վարժությունները առանց բարդ սարքավորումների կիրառման ունեն ընդհանուր դրական ազդեցություն երեխաների և դեռահասների ողջ օրգանիզմի վրա:
ԿԱՎԱԹԵՐԱՊԻԱ (խմբային և անհատական)
- Կավաթերապիայի միջոցով հնարավոր է դառնում դրական ազդել անձի տրամադրության, մտածողության, երևակայության վրա։
- Նվազեցնել նյարդա-հոգեկան լարվածությունը, հաղթահարել վախերն ու անվստահությունը։
- Սեփական ձեռքով պատրաստած իրն ոչ միայն գեղագիտական հաճույք է պատճառում անձին, այլև բարձրացնում ինքնագնահատականը, սեփական հնարավորությունների ու կարողությունների հանդեպ վստահությունը։
- Զարգացնում է մոտորիկան, մանր մկանները։
- Զարգացնում է երևակայությունը, պատկերավոր մտածողությունը, աշխատասիրությունը։
- Ձևավորում է գեղեցիկը տեսնելու, զգալու, գնահատելու, արարելու ցանկությունը և կարողությունը։
ԵՐԿԱՐՕՐՅԱ ԶԲԱՂՎԱԾՈՒԹՅՈՒՆ (խմբային)
- Յուրաքանչյուր աշխատանքային օր ժամը 1630 - 1930 Կենտրոնն իրականացնում է երկարօրյա հետևյալ զբաղվածությունները`
- Կինո և մուլտիպլիկացիոն դիտումներ,
- Զարգացնող զանազան խաղեր, նկարչություն,
- Զբոսանք,
- Հեքիաթների և երաժշտության լսումներ ու պարեր։
ՀԱՆԳՍՏՅԱՆ ՕՐԵՐԻՆ ԶԲԱՂՎԱԾՈՒԹՅՈՒՆ (խմբային)
- Հանգստյան օրերին (շաբաթ, կիրակի) ժամը 1000 - 1700 Կենտրոնն իրականացնում է հետևյալ զբաղվածությունները`
- Կինո և մուլտիպլիկացիոն դիտումներ,
- Զարգացնող զանազան խաղեր, նկարչություն,
- Զբոսանք,
- Հեքիաթների և երաժշտության լսումներ ու պարեր