Երեխայի մոտ արդեն ախտորոշվել է Աուտիստիկ Սպեկտրի Խանգարում. դա անսպասելի և ծանր նորություն է ընտանիքների համար: Ախտորոշումն իմանալուց հետո, ծառայությունների հետ կապված բազմաթիվ բարդ հարցեր են բխում ընտանիքների առջև։ Աուտիզմ Ազգային Հիմնադրամում մեր սկզբնական նպատակն է համոզվել, որ Ձեր կողմից բարձարցված ցանկացած հարց ստանա սպառիչ և օգտակար պատասխան։

Որպեսզի հասկանաք Ձեր երեխային և նրա առանձնահատկությունները Ձեր ընտանիքի և առօրյա միջավայրի համատեքստում՝ գնահատումները սկսվում են մեր թիմի կողմից Ձեր երեխայի զարգացման ամբողջական գնահատմամբ: Այս ստանդարտացված գնահատումները հարմարեցված են Ձեր երեխայի տարիքին և գործունեության մակարդակին:

Գնահատումներից հետո, մենք տրամադրում ենք գրավոր հաշվետվություն մեր կատարած բացահայտումների վերաբերյալ։ Նաև ծնողները կարող են ստանալ խորհրդատվություն և հնարավորություն կունենան հարցադրումներ անել համապատասխան մասնագհետներին։ Ձեր երեխայի համար կկազմվի անհատականացված միջամտության պլան կամ առաջարկությունների ցանկ։

Մենք առաջարկում ենք խիստ անհատականացված, նորարարական մոտեցումներ և ծառայություններ, որոնք միտված են լուծելու յուրաքանչյուր անհատի անմիջական կարիքները: Մեր պրոֆեսիոնալ անձնակազմը հետևում է Կիրառական վարքագծի վերլուծության (ABA) սկզբունքներին՝ օգնելու երեխաներին ինքնուրույն գործել և առավելագույնի հասցնել իրենց ներուժը:

Եթե անհանգստացած եք Ձեր երեխայի զարգացման ընթացքով կամ ցանկանում եք գտնել բուժման/վերականգնողական ծառայություններ, ապա դիմեք մեր կենտրոն՝ զանգահարելով +374 10 580 733 հեռախոսահամարին։