Հիմնադրամի նպատակներն են՝

• աջակցություն ցուցաբերել աուտիզմ և զարգացման այլ խանգարումներ ունեցող անձանց և նրանց ընտանիքներին,
• ստեղծել անհրաժեշտ պայմաններ աուտիզմ և զարգացման այլ խանգարումներ ունեցող անձանց առաջին բուժօգնության, բուժման, վերականգնման, կրթության, մասնագիտական ուսուցման և զբաղվածության, սոցիալական ադապտացիայի համար.
• իրականացնել միջոցառումներ մասնագետների որակավորման բարձրացման համար, կազմակերպել սեմինարներ և վերապատրաստման այլ միջոցառումներ.
•  աուտիզմ և զարգացման այլ խանգարումներ ունեցող անձանց համար աջակցել հատուկ ուղղորդման և խնամք-օգնության կազմակերպմանը,
• հատուկ կարիքներով մարդկանց համար ստեղծել  աշխատատեղեր և/կամ աջակցել զբաղվածության խնդրի լուծմանը,
• ստեղծել պատշաճ պայմաններ աուտիզմ և զարգացման այլ խանգարումներ ունեցող անձանց համար գիշերային կացություն ապահովելու նպատակով (ինչպես ժամանակավոր, այնպես էլ անժամկետ հիմունքներով)՝ ընդօրինակելով միջազգային լավագույն փորձը,
• աուտիզմ և զարգացման այլ խանգարումներ ունեցող անձանց համար ստեղծել սանիտարահիգիենիկ միջավայր սնվելու և կենսական կարիքներ հոգալու նպատակով,
• սպորտային, ժամանցային կենտրոններում, ճամբարներում, հանգստյան տներում աուտիզմով և զարգացման այլ խնդիրներով անձանց ժամանցի և հանգստի կազմակերպումը,
• աուտիզմի հիմնախնդիրներին հասարակության ուշադրությունը հրավիրելու նպատակով մամուլի և գիտահանրամատչելի հեռուստառադիոհաղորդումների միջոցով իրազեկման աշխատանքների իրականացումը,
• ուսուցողական տեսանյութերի, հեռուստահաղորդումների, ֆիլմերի, գրականության ստեղծումը,
• ստեղծել և/կամ աջակցել Արհեստավարժ մասնագետների, հատուկ մանկավարժների, խնամողների, ուղեկցողների ինստիտուտի կայացմանը,
• արհեստավարժ մասնագետների, հատուկ մանկավարժների և այլ  մասնագետների և խնամողների, ուղորդողների վերապատրաստման կազմակերպումը և աջակցումը, մոնիթորինգը և գնահատումը,
• հիմնադրամի նպատակների իրագործման համար լրացուցիչ ֆոնդերի հայթայթման միջոցառումների իրականացումը,
• համագործակցությունը ՀՀ առողջապահության, կրթության, գիտության, մշակույթի և սպորտի և աշխատանքի և սոցիալական հարցերի նախարարութունների հետ, ինչպես նաև բժշկական և այլ հաստատությունների ու կազմակերպությունների հետ աուտիզմ և զարգացման այլ խանգարումներ ունեցող անձանց ժամանակավոր կամ մշտական կացարանը անհրաժեշտ բժշկական սարքավորումներով և խնամքի պարագաներով ապահովմանն աջակցելու նպատակով, նպաստել բժիշկների ու նեղ մասնագետների ներգրավմանը,
• աուտիզմ և զարգացման այլ խանգարումներ ունեցող անձանց համար տրանսպորտային միջոցների ձեռքբերում, նրանց տեղաշարժի ապահովում,
• աջակցել աուտիզմ և զարգացման այլ խանգարումներ ունեցող անձանց համար ժամանակակից հատուկ սարքավորումների և անհրաժեշտ դեղորայքների ներմուծմանը ՀՀ, աջակցել ՀՀ-ում միջազգային արդի հատուկ զարգացման մեթոդաբանությունների և ծրագրերի ներդրմանը,
• աջակցել աուտիզմ և զարգացման այլ խանգարումներ ունեցող անձանց իրավունքների պաշտպանման գործին,
• ապահովել շահառուների ժամանցի կազմակերպման համար ծրագրեր:

Հիմնադրամի գործունեության առարկան է՝

• Հիմնադրամի նպատակների իրականացմանն ուղղված ծրագրերի, ծառայությունների, բարեգործական և այլ միջոցառումների մշակում կազմակերպում և իրականացում,
• Համագործակցություն տեղական և օտարերկրյա կազմակերպությունների, ֆիզիկական և/կամ իրավաբանական անձանց, պետական կառավարման և/կամ տեղական ինքնակառավարման մարմինների, ՊՈԱԿ-ների, ՀՈԱԿ-ների, հիմնադրամների և/կամ այլ կառույցների և/կամ դրանց պաշտոնատար անձանց հետ:

Հիմնադրամի հնարավոր շահառուներ են համարվում՝

• Աուտիզմ և զարգացման այլ խանգարումներ ունեցող անձինք, նրանց ընտանիքների անդամները, ախտորոշման, բուժման, կրթման, մասնագիտական ուսուցման, զբաղվածության, շտկման, խնամքի, սպասարկման և ռեաբիլիտացիայի բնագավառներում աշխատող մասնագետները և կազմակերպությունները: