«Իմ ուղին» ուսումնավերականգնողակա կենտրոնի աշխատակիցները մասնակցեցին ՀՀ աշխատանքի և սոցիալական հարցերի նախարարության և «Key2enable Assistive Technology» կազմակերպության կողմից կազմակերպված «KEY2ENABL» աջակցող տեխնոլոգիաների վերաբերյալ վերապատրաստման եռօրյա դասընթացին:
Նորագույն տեխնոլոգիական միջոցներն այսօր հնարավորություն են տալիս հաշմանդամություն ունեցող անձին օգտվել համակարգչից 11 ստեղն ունեցող ֆունկցիոնալ ստեղնաշարի կամ պարզապես աչքերը թարթելու միոջոցով:
Մի քանի գունեղ ստեղների միջոցով նախադասություններ գրելու, համակարգչով հեշտ ու մատչելի աշխատելու և խաղալու մասին մասնակիցներին պատմել է «Кey2enable» կազմակերպության ղեկավար և համահիմնադիր Ջոուզ Ռուբինգերը՝ նշելով, որ իրենց կողմից ստեղծված ներառական հարթակը հաշմանդամություն ունեցող անձանց հնարավորություն կտա ժամանակակից գործիքներն արդյունավետ օգտագործելու միջոցով հաղորդակցվել, սովորել և լիարժեք մասնակցել հասարակական կյանքին։
Աշխատանքի և սոցիալական հարցերի նախարար Նարեկ Մկրտչյանն ու «Кey2enable» կազմակերպության ղեկավար և համահիմնադիր Ջոուզ Ռուբինգերը դասընթացի մասնակիցներին՝ հաշմանդամություն ունեցող անձանց համար աջակցող նորագույն միջոցներին ծանոթանալու և գործնականում դրանք կիրառելու գործընթացը հավաստող վկայագրեր են հանձնել։