«Ես ձեզ նման չեմ: Ես ձեզնից մեկն եմ»

«ԱՈՒՏԻԶՄ ԱԶԳԱՅԻՆ ՀԻՄՆԱԴՐԱՄԻ» «Իմ ուղին» սոցիալ-հաբիլիտացիոն, կրթական և մասնագիտական ուսուցման ցերեկային կենտրոնը սիրով հրավիրում է Ձեզ մասնակցելու սույն թվականի ապրիլի 2-ին` ժամը 14:00-ին, կայանալիք աուտիզմի իրազեկման համաշխարհային օրվան նվիրված «Ես ձեզ նման չեմ: Ես ձեզնից մեկն եմ» խորագրով միջոցառմանը, որին ելույթ կունենան «Իմ Ուղին» կենտրոնի սաները: Միջոցառման շրջանակներում կազմակերպվելու է դրամահավաք կենտրոնի սան՝ Արցախից բռնի տեղահանված, աուտիզմ ունեցող 9 տարեկան Միքայել Պողոսյանի և վերջինիս կրտսեր եղբոր` Դավիթի համար, որն ունի զարգացման գլոբալ հապաղում: Միջոցառման արդյունքում հանգանակված գումարը և հիմնադրամի շահառուների ձեռքի աշխատանքների վաճառքից ստացված ողջ հասույթը տրամադրվելու է եղբայրների ընտանիքին` վերականգնողական կենտրոն հաճախելու տրանսպորտային ծախսերը հոգալու համար: ՀԱՄԵՐԳ ԵՎ ՑՈՒՑԱՀԱՆԴԵՍ «ԻՄ ՈՒՂԻՆ» ԿԵՆՏՐՈՆՈՒՄ «Ես ձեզ նման չեմ: Ես ձեզնից մեկն եմ» 2024թ․Ապրիլի 02-ին ժամը 14։00-ին աուտիզմի համաշխարհային իրազեկման օրվա կապակցությամբ «Աուտիզմ ազգային հիմնադրամի» «Իմ Ուղին» սոցիալ-հաբիլիտացիոն, կրթական և մասնագիտական ուսուցման ցերեկային կենտրոնում իրականացվելու է միջոցառում` համերգ և ցուցահանդես-վաճառք։ Համերգին կմասնակցեն «Իմ Ուղին» ցերեկային կենտրոնի սաները՝ • Արևիկ Սիմոնյան, • Գեորգի Խաչիկյան, • Գևորգ Իսկանդարյան, • Դավիթ Ղազարյան, • Հրաչ Տոնոյան, • Նարե Տեր-Գրիգորյան, • Ռաֆայել Մարտիրոսյան, • Վարդան Այվազյան, • Տիգրան Իսպիրյան, • Ֆելիքս Խաչատրյան, • Երգչախումբ։ https://www.facebook.com/imughi